برطانوی وزیراعظم رشی سونک سے بائیڈن کی ٹیلیفون پر بات چیت

لندن:امریکی صدر جوبائیڈن نے برطانیہ کے قریبی ترین اتحادی ہونے کے عمل کو جاری رکھتے ہوئے نو منتخب برطانوی وزیر اعظم رشی سوناک سے ٹیلی فونک بات چیت کی۔ اس دوران نئے برطانوی وزیر اعظم رشی سوناک اور امریکی صدر جو بائیڈن نے دو طرفہ تعلقات، شمالی آئرلینڈ کے مسئلے اور روس یوکرین جنگ پر تبادلہ خیال کیا۔

وزیر اعظم کے دفتر نمبر 10 کے ایک ترجمان نے ایک بیان میں کہا ہے کہ بائیڈن نے سوناک کو ان کے نئے عہدے پر مبارکباد دی اور کہا کہ وہ دونوں رہنما وں کے مل جل کر کام کرنے کے منتظر ہیں۔

اعلامیہ میں کہا گیا ہے کہ بائیڈن نے برطانیہ کے قریبی ترین اتحادی ہونے کے عمل کو جاری رکھنے کا اظہار کیا ہے تو سوناک نے بھی دونوں ممالک کے باہمی تعلقات مضبوط بنیادوں پر استوار ہیں۔

”رہنماؤں نے دو طرفہ سطح پر اور (آسٹریلیا، امریکہ اور برطانیہ کے درمیان AUKUS معاہدے کے تحت استحکام کو بڑھانے اور چین کی بد نیتی کے اثرات کے برخلاف جدوجہد کے ایک جزو کے طور پر انڈین -بحرالکاہل جیسے خطوں میں برطانیہ-امریکہ کے تعاون کی حد پر تبادلہ خیال کیا ہے۔

بتایا گیا ہے کہ مذاکرات میں برطانیہ اور امریکہ کے یوکیرینی عوام کی امداد اور روسی صدر ولا دیمر پوتن کو جنگ میں ناکامی سے دو چار کرنے کے زیر مقصد ادا کردہ کردار پر بھی بات چیت ہوئی ہے۔