الیکشن میں بی جے پی کا کسی دوسری جماعت سے مفاہمت نہیں: بنڈی سنجے

حیدرآباد: صدر بی جے پی تلنگانہ بنڈی سنجے کمار نے کہا کہ تلنگانہ اسمبلی انتخابات میں بی جے پی کسی پارٹی کے ساتھ انتخابی مفاہمت نہیں کرے گی۔آج کریم نگر میں گھر گھر بی جے پی پروگرام کے تحت ضلع کے مختلف پروگرامس میں حصہ لینے کے بعد خطاب کرتے ہوئے انہوں نے کہا کہ مودی کے9سالہ دور حکومت میں ہر طرف ترقی کا دور دورہ ہے، تمام انتخابی وعدوں کو پورا کیا گیا۔

دوسری طرف تلنگانہ کی صورتحال اس کے برعکس ہے۔ جہاں عوام کا ہر طبقہ پریشان ہے۔ اس بات پر پشیمان ہونے کے بجائے چیف منسٹر پھر شعبدہ بازی کرنے میں مصروف ہیں۔ حکومت کی جانب سے غریبوں کو مکانات کی فراہمی کے نام پر ناقص مکانات تقسیم کئے جارہے ہیں۔

 انہوں نے کہا کہ کانگریس بی آر ایس ہی کا حصہ ہے۔ کانگریس کے حق میں ووٹ، بی آر ایس کے حق میں ووٹ ہوگا۔ بی جے پی اور بی آر ایس کے درمیان خفیہ مفاہمت کی بات کو مسترد کرتے ہوئے انہوں نے پوچھا کہ اگر میں بی آر ایس کی مدد سے کامیاب رہا ہوں تو پھر ریونت اور اتم کمار ریڈی کس کی مدد سے کامیب ہوئے ہیں؟