نابینا مسلم شاعر، رام مندر کی افتتاحی تقریب میں مدعو

کھنڈوا: مدھیہ پردیش کے نابینا مسلم بھجن گلوکار اور شاعر اکبر تاج نے ایودھیا میں 22 جنوری کو رام مندر کی افتتاحی تقریب میں مدعو کئے جانے پر خوشی ظاہر کی ہے۔

42 سالہ اکبر تاج نے جو ضلع کھنڈوا کے موضع حفلہ بیپلا کا رہنے والا ہے‘ کہا کہ وہ 14 جنوری کو ایودھیا پہنچے گا اور رام بھجن کرے گا۔

اس نے کہا کہ وہ کئی دیگر پروگرامس چھوڑکر ایودھیا جارہا ہے۔

وہ بچپن سے رام بھجن کرتا رہا ہے۔ اس کا کہنا ہے کہ وہ بے حد غریب ہے اور کچے مکان میں رہتا ہے۔