بی آر ایس نے حائیڈرا  کی عدالتی تحقیقات کرانے کا مطالبہ کیا

حیدرآباد:    بی آر ایس کے قائدین نے  کانگریس حکومت پر ہائی کورٹ کی طرف سے حائیڈرا کمشنر اے وی رنگناتھ کو ہٹانے سے متعلق دئیے گئے احکامات کا خیرمقدم کیا انہوں نے کہا کا اس شعبے کے آغاز سے لے کر اب تک کی کیا سرگرمیاں انجام دی گئے اس کے بارے عدالتی تحقیقات کا مطالبہ کیا۔  بی آر ایس ایل پی کے وہپ کے پی وویکانند اور ایم ایل سی ڈی شراون نے حکومت پر بلڈوزر نظام چلانے کا الزام لگایا اور احتساب کا مطالبہ کیا۔

 ایک پریس کانفرنس سے خطاب کرتے ہوئے، بی آر ایس ایل پی کے وہپ اور قطب اللہ پور کے ایم ایل اے کے پی وویکانند نے ہائی کورٹ کی احکامات کا خیرمقدم کیا انہوں نے اسے غریبوں کی جیت قرار دیا۔  انہوں نے مطالبہ کیا کہ ہائی کورٹ کے ایک برسر عہدہ جج سے حائیڈرا کے کام کاج اور مبینہ بے ضابطگیوں کی جامع انکوائری کرائی جائے۔

 وویکانند نے کہا کہ اس فیصلے نے چیف منسٹر اے ریونت ریڈی کے وزیر میونسپل ایڈمنسٹریشن کے طور پر جاری رہنے پر سوالات اٹھائے ہیں، جبکہ محکمہ یہ محکمہ سی ایم کے تحت کام کرتا ہے۔  یہ الزام لگاتے ہوئے کہ یہ شعبہ انتخابی کارروائی کا ایک آلہ بن گئی ہے، انہوں نے کہا کہ اس نے عوامی بھلائی سے زیادہ انہیں نقصان پہنچایا۔  انہوں نے زور دے کر کہا کہ محض کمشنر کو تبدیل کرنے سے صورتحال نہیں بدلے گی جب تک حکومت کا نقطہ نظر تبدیل نہیں ہوتا۔  انہوں نے بی آر ایس کے صدر اور سابق چیف منسٹر کے چندر شیکھر راؤ کے وعدے کو دہرایا کہ اگر پارٹی اقتدار میں واپس آتی ہے توحائیڈرا کو ختم کردیں گے۔

 میڈیا کے نمائندوں سے الگ سے بات کرتے ہوئے، بی آر ایس کے  ایم ایل سی ڈی شراون نے ہائی کورٹ کے حکم کو بلڈوزر راج کے خلاف ایک اہم عدالتی مداخلت قرار دیا اور کہا کہ سینئر عہدیدار کی برطرفی کے لیے اس طرح کی ہدایات نایاب ہیں۔  انہوں نے الزام لگایا کہ اس فیصلے نے بی آر ایس کی دیرینہ تنقید کی توثیق کی ہے کہ حائیڈرا نے اپنے اختیارات سے تجاوز کیا ہے۔  انہوں نے کہا کہ ہائی کورٹ کے حکم پر حائیڈرا کمشنر کے رپورٹ شدہ ریمارکس توہین عدالت کے مترادف ہیں۔  انہوں نے کہا کہ ایجنسی نے چیف منسٹر کے کہنے پر کام کیا اور انتخابی کارروائی میں ملوث ہوئے۔

 انہوں نے یہ بھی سوال کیا کہ بااثر افراد کی مبینہ غیر قانونی تعمیرات کارروائی سے کیوں بچ گئی ہیں جبکہ ہائی کورٹ کے مشاہدات نے حائیڈرا کے کام کاج کو بے نقاب کیا ہے اور ریاستی حکومت سے مطالبہ کیا ہے کہ تمام عہدیداروں کو قانون کے دائرے میں رہتے ہوئے سختی سے کام کرنا چاہئے ۔  انہوں نے یاد دلایا  حکومت نے متعدد مواقع پر عدالتی احکامات کو نظر انداز کیا اور خبردار کیا کہ اقتدار مستقل نہیں ہے۔