تلنگانہ
تلنگانہ کے یادادری بھونگیر میں بی آرایس کے دفتر کو ریونیو عہدیداروں نے منہدم کردیا
تلنگانہ کے یادادری بھونگیرضلع میں پولیس کی مدد سے ریونیو کے عہدیداروں نے ملاپورم میں واقع بی آرایس کے دفتر کو منہدم کردیا۔
حیدرآباد: تلنگانہ کے یادادری بھونگیرضلع میں پولیس کی مدد سے ریونیو کے عہدیداروں نے ملاپورم میں واقع بی آرایس کے دفتر کو منہدم کردیا۔
ریونیو کے عہدیدارتقریبا 100ملازمین پولیس کے ساتھ کل رات دیرگئے پہنچے اوربلڈوزرکا استعمال کرتے ہوئے عمارت کو منہدم کردیا۔
اس کارروائی کی شدید مذمت کرتے ہوئے بی آرایس یادگیرگٹہ کے منڈل صدرکے وینکٹیا نے کہاکہ پارٹی منڈل دفتر کی تعمیر دو سال پہلے ملاپورم میں 150مربع گزپر ہوئی تھی۔
انہوں نے بغیرکسی نوٹس کے عمارت کو منہدم کرنے پر ریونیو ڈپارٹمنٹ کے عہدیداروں کی اس کارروائی کی مذمت کی۔انہوں نے الزام لگایا کہ ایڈیشنل کلکٹر ریونیو، حکمران جماعت کانگریس کے ایجنٹ کے طورپر کام کررہے ہیں۔
انہوں نے شبہ ظاہر کیا کہ آلیر کے کانگریسی رکن اسمبلی بی ایلیا کا رول بی آرایس کے دفتر کو منہدم کرنے میں ہے۔
a3w
ہمیں فالو کریں
