حیدرآباد

حیدرآباد میں فارمولہ ای ریس کی منسوخی،کانگریس حکومت کاخراب قدم:کے ٹی آر

کے ٹی آر نے کہاکہ کے سی آر حکومت نے ایک موقع کے طور پر فارمولہ ای ریس کا استعمال کرنے کی پہل کی تھی تاکہ ای وی کے شائقین، مینوفیکچررز اور اسٹارٹ اپس کو راغب کیا جائے۔

حیدرآباد: حیدرآباد میں فارمولہ ای ریس کی منسوخی کے پیش نظراپوزیشن بی آرایس کے کارگذارصدرتارک راما راو نے اسے حکمران جماعت کانگریس کی جانب سے لیاگیاخراب اور پیچھے کی طرف لیاگیا قدم قراردیا۔ انہوں نے کہاکہ حیدرآباد ای۔پری جیسے ایونٹس دنیا بھر میں ہمارے شہر اور ملک کی برانڈ امیج کو بہتر بناتے ہیں۔

متعلقہ خبریں
فارمولا ای ریس سے حیدرآباد کے برانڈ امیج میں اضافہ: ناگیندر
شعبان کی پندرہویں شب میں اللہ تعالیٰ تمام مخلوق کی طرف متوجہ ہوتا ہے اور اپنی ساری ہی مخلوق کی مغفرت فرما دیتا ہے: مولانا حافظ پیر شبیر احمد
تلنگانہ:مصیبت میں گھرے افراد کی بروقت مدد۔غیر معمولی خدمات پر کانسٹیبل شراون کمارکو باوقارراشٹرپتی جیون رکشاپدک
ایس آئی او تلنگانہ نے تعلیم اور نوجوانوں کی فلاح و بہبود کے بجٹ سفارشات پر کتابچہ جاری کیا
بی آر ایس کی رکن قانون ساز کونسل کویتا کی کانگریس حکومت اور چیف منسٹر ریونت ریڈی پر شدید تنقید

 کے ٹی آر نے ‘ایکس’ پر کہا کہ ہم نے فارمولا ای۔پری کو پہلی بار ہندوستان میں لانے کے لیے کافی محنت اور وقت لگایا تھا۔ کے سی آر حکومت نے ایک موقع کے طور پر فارمولہ ای ریس کا استعمال کرنے کی پہل کی تھی تاکہ ای وی کے شائقین، مینوفیکچررز اور اسٹارٹ اپس کو راغب کیا جائے۔

 اور وہ حیدرآباد کو سرمایہ کاری کے ایک پرکشش مقام کے طور پر پیش کرسکیں۔ ہم نے ریاست کو پائیدار موبلٹی سلوشنس کے مرکز کے طور پر فروغ دینے کے لیے تلنگانہ موبلٹی ویلی کا بھی آغاز کیا تھا۔