تلنگانہ

چیف منسٹراے ریونت ریڈی دہلی روانہ

چیف منسٹراے ریونت ریڈی جمعہ کی سہ پہر نئی دہلی روانہ ہوگئے۔چیف منسٹر بننے کے بعد دہلی کے پہلے دورہ کے دوران ریڈی‘ پارٹی ہائی کمان سے اپنے 11کابینہ رفقاء کے قلمدانوں کے متعلق مشاورت کریں گے۔

حیدرآباد: چیف منسٹراے ریونت ریڈی جمعہ کی سہ پہر نئی دہلی روانہ ہوگئے۔چیف منسٹر بننے کے بعد دہلی کے پہلے دورہ کے دوران ریڈی‘ پارٹی ہائی کمان سے اپنے 11کابینہ رفقاء کے قلمدانوں کے متعلق مشاورت کریں گے۔

متعلقہ خبریں
شعبان کی پندرہویں شب میں اللہ تعالیٰ تمام مخلوق کی طرف متوجہ ہوتا ہے اور اپنی ساری ہی مخلوق کی مغفرت فرما دیتا ہے: مولانا حافظ پیر شبیر احمد
بی آر ایس کی رکن قانون ساز کونسل کویتا کی کانگریس حکومت اور چیف منسٹر ریونت ریڈی پر شدید تنقید
حیدرآباد میں زیرزمین برقی کیبلس کی تنصیب کے منصوبہ کا جائزہ لینے کی ضرورت: ریونت ریڈی
ایس آئی او تلنگانہ نے تعلیم اور نوجوانوں کی فلاح و بہبود کے بجٹ سفارشات پر کتابچہ جاری کیا
ادبی تخلیقات قوموں کی فکری سمت کا تعین کرتی ہیں: امیرِ حلقہ ڈاکٹر خالد ظفر

ریونت ریڈی امکان ہے کہ سونیا گاندھی‘ راہول گاندھی‘کے سی وینوگوپال اور ملکارجن کھرگے سے ملاقات کرتے ہوئے وزراء کے قلمدانوں کے موضوع کوقطعیت دیں گے اور وہ رات میں ہی حیدرآبادواپس ہوجائیں گے۔

آئی اے این ایس کے مطابق کابینہ میں توسیع اور وزراء میں قلمدانوں کی تقسیم کے مسئلہ پر کانگریس کی اعلیٰ قیادت سے مشاورت کے لئے چیف منسٹر ریونت ریڈی جمعہ کو دہلی روانہ ہوگئے وہ دہلی میں پارٹی کی مرکزی قیادت پر کابینہ میں توسیع کے بارے میں بھی بات چیت کریں گے۔

6امکانی وزراء کے ناموں کو ایک یادودنوں کے اندرقطعیت دی جائے گی۔اسمبلی الیکشن میں پارٹی کا ایک بھی مسلم امیدوار منتخب نہیں ہوسکا۔

اس لئے حکومت چاہتی ہے کہ ایم ایل سی بنانے کے بعد دومسلمانوں کوکابینہ میں جگہ دی جائے۔ پارٹی کے سینئر قائد محمدعلی شبیر اور سابق کرکٹر اظہر الدین کے ناموں پرغور کرنے کی اطلاعات ہیں۔

ریونت ریڈی نے جمعرات کے روز ایل بی اسٹیڈیم میں چیف منسٹر کے عہدہ کا حلف لیاتھا۔ ان کے ساتھ دیگر 11 قائدین نے بھی وزراء کا حلف لیا۔