وزیراعلیٰ ریڈی کا بسویشور جینتی پر مساوات برقرار رکھنے کا پیغام

حیدرآباد: تلنگانہ کے وزیراعلیٰ اے ریونت ریڈی نے ’جگد گرو بسویشور‘ کے یومِ پیدائش کے موقع پر ریاست کے عوام کو دلی مبارکباد اور نیک خواہشات پیش کرتے ہوئے، اس محترم فلسفی اور سماجی مصلح کو شاندار خراجِ عقیدت پیش کیا۔

وزیراعلیٰ نے اپنے پیغام میں مہاتما بسویشور کی تعلیمات کو مساوات، سچائی اور انصاف پر مبنی قرار دیتے ہوئے کہا کہ وہ آج بھی معاشرے کی رہنمائی کر رہی ہیں۔

انہوں نے بسونّا (جگد گرو بسویشور) کے اس لافانی پیغام کو اجاگر کیا کہ ‘کام ہی عبادت ہے’۔ انہوں نے کہا کہ یہ پیغام محنت کی اہمیت اور حقیقی عقیدت کو نمایاں کرتا ہے۔

مسٹر ریڈی نے مزید کہا کہ ’’جگد گرو بسویشور کو بہترین خراجِ عقیدت یہی ہوگا کہ ہم ذات پات اور عقیدے کی رکاوٹوں سے بالاتر ہو کر اپنے خیالات اور اعمال دونوں میں مساوات اور انسان پرستی کے نظریات کو اپنائیں۔”

انہوں نے عوام سے اپریل کیا کہ وہ ان اقدار کو اپنی روزمرہ کی زندگی کا حصہ بنائیں اور ایک منصفانہ اور جامع معاشرے کی تعمیر کے لیے مل کر کام کریں۔