بوائے فرینڈ کی محبت میں پاگل لڑکی نے باپ پر چاقو سے حملہ کردیا
محبت میں اندھی اس لڑکی نے نوجوان کی خواہش پر اس کو دولاکھ روپئے نقد رقم کے ساتھ ساتھ طلائی زیور بھی دیدیئے۔ جب یہ بات اس لڑکی کے باپ کو پتہ چلی تو اس نے لڑکی کی ڈانٹ ڈپٹ کی جس پر برہمی کے عالم میں لڑکی نے باورچی خانہ میں رکھی چاقو سے اپنے باپ کی گردن پر حملہ کردیا ۔
حیدرآباد: بوائے فرینڈ کی محبت میں پاگل ہوکراس کو رقم اور زیور دینے والی لڑکی کی ڈانٹ ڈپٹ پر اس نے باپ پر چاقو سے حملہ کرتے ہوئے اس کو شدید زخمی کردیا۔یہ واقعہ آندھراپردیش کے ضلع وشاکھاپٹنم میں پیش آیا۔
تفصیلات کے مطابق ضلع کے اکیاپالم علاقہ کے ایک شخص کی بیٹی جو انٹرمیڈیٹ میں زیرتعلیم ہے ایک نوجوان سے محبت کرتی تھی۔یہ نوجوان آئی ٹی آئی کی تعلیم حاصل کررہا ہے۔
اس کی محبت میں اندھی اس لڑکی نے نوجوان کی خواہش پر اس کو دولاکھ روپئے نقد رقم کے ساتھ ساتھ طلائی زیور بھی دیدیئے۔جب یہ بات اس لڑکی کے باپ کو پتہ چلی تو اس نے لڑکی کی ڈانٹ ڈپٹ کی جس پر برہمی کے عالم میں لڑکی نے باورچی خانہ میں رکھی چاقو سے اپنے باپ کی گردن پر حملہ کردیا ۔
تاہم یہ چاقو اس کی پیٹھ میں لگا جس کے نتیجہ میں لڑکی کا باپ شدید طورپرزخمی ہوگیا۔اس کو علاج کے لئے اسپتال منتقل کردیاگیا۔پولیس نے لڑکی کے باپ کی شکایت پر اس کوگرفتار کرلیا اور اس خصوص میں ایک معاملہ درج کرکے جانچ شروع کردی۔
