دلت بندھو اسکیم، تلنگانہ ہائیکورٹ کی ریاستی حکومت کو نوٹس

حیدرآباد: دلت بندھو اسکیم پر عمل کے معاملہ میں تلنگانہ ہائی کورٹ نے ریاستی حکومت کو نوٹس جاری کی ہے۔ عدالت نے اس اسکیم میں ارکان اسمبلی،عہدیداروں کی مداخلت اور ان کی سفارش کے خلاف دائر درخواست کی سماعت کی۔

 درخواست گزار کے وکیل نے ہائی کورٹ کو بتایا کہ ارکان اسمبلی اور عہدیداروں کی سفارشات کی بنیاد پر آئندہ انتخابات کے پیش نظر ایسے افراد کاا نتخاب اس اسکیم کیلئے کیاجارہا ہے جو اہل نہیں ہیں جبکہ دیگر کا خیال نہیں رکھا جا رہا ہے۔

 اس اسکیم سے استفادہ کرنے والوں میں زیادہ تر ارکان اسمبلی کے حامی ہیں۔انہوں نے کہا کہ استفادہ کنندگان کے انتخاب میں کوئی شفافیت نہیں ہے۔ ہائی کورٹ نے دلائل کی سماعت کے بعد ریاستی حکومت کو نوٹس جاری کی اور اس معاملہ کی سماعت دو ہفتوں کے لیے ملتوی کر دی۔