تلنگانہ
دہلی ہائی کمان کی راج گوپال ریڈی کو ہدایت، تلنگانہ کانگریس کے نئے انچارج بی ایم سندیپ سے 23 نومبر کو ملاقات کریں
کانگریس ہائی کمان نے منوگوڑہ کے رکن اسمبلی کومٹ ریڈی راج گوپال ریڈی کو ہدایت دی ہے کہ وہ تلنگانہ کانگریس کے نئے انچارج بی ایم سندیپ سے 23 نومبر کو ملاقات کریں۔
حیدرآباد: کانگریس ہائی کمان نے منوگوڑہ کے رکن اسمبلی کومٹ ریڈی راج گوپال ریڈی کو ہدایت دی ہے کہ وہ تلنگانہ کانگریس کے نئے انچارج بی ایم سندیپ سے 23 نومبر کو ملاقات کریں۔
اطلاعات کے مطابق، اے آئی سی سی سکریٹری سچن ساونت نے راج گوپال ریڈی کو فون کرکے ہائی کمان کی ہدایت سے واقف کروایا اور انہیں نئے انچارج سے ملاقات کرنے کا مشورہ دیا۔
تلنگانہ کانگریس میں حالیہ سیاسی سرگرمیوں اور پارٹی کے اندرونی معاملات کے تناظر میں اس ملاقات کو اہمیت دی جارہی ہے۔ بتایا جاتا ہے کہ پارٹی قیادت ریاست میں قائدین کے درمیان بہتر تال میل اور تنظیمی امور کو مستحکم کرنے کی کوشش کررہی ہے۔
راج گوپال ریڈی اور بی ایم سندیپ کی ملاقات میں ریاستی کانگریس کے امور پر تبادلہ خیال متوقع ہے۔ تاہم ملاقات کے ایجنڈے سے متعلق مزید تفصیلات سامنے نہیں آئی ہیں۔