کرکٹ بٹنگ میں 25لاکھ روپئے سے محرومی،نوجوان نے خودکشی کرلی

حیدرآباد:کرکٹ بٹنگ میں 25لاکھ روپئے سے محرومی کے بعد ایک نوجوان نے خودکشی کرلی۔یہ واقعہ تلنگانہ کے ضلع سنگاریڈی کے سداشیوپیٹ ٹاون میں پیش آیا۔

تفصیلات کے مطابق اس بی ٹیک کے طالب علم جس کی شناخت 25سالہ سی ونیت کے طورپر کی گئی ہے،نے 25لاکھ روپئے کا قرض لیا تھا اور کرکٹ بٹنگ میں وہ یہ رقم ہارگیا جس کے بعد سے ہی وہ مایوس نظرآرہاتھا۔اسی مایوسی کے عالم میں اس نے اپنے مکان میں سیلنگ فین سے پھانسی لے کر خودکشی کرلی۔

اس نے یہ انتہائی اقدام اُس وقت کیا جب وہ گھرمیں تنہاتھا۔اطلاع ملتے ہی پولیس وہاں پہنچی جس نے لاش کوپوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔