حج 2025 کیلئے قرعہ اندازی
عازمین حج مرکزی و ریاستی حج کمیٹیوں کے ذمہ داران اور حج سے وابستہ سرکاری و غیر سرکاری تنظیمیں اس لنک پر https://hajcommittee.gov.in قرعہ اندازی کو براہ راست دیکھ سکتے ہیں۔ منتخب شدہ عازمین کو ایس-ایم-ایس کے ذریعے بھی انتخابات کی اطلاع دی جائے گی۔
نئی دہلی: حج 2025 کے خواہشمند عازمین کا انتخاب 7 اکتوبر کو وزراتِ اقلیتی امور کے ڈائریکٹر اور حج کمیٹی آف انڈیا کے سی، ای، او ڈاکٹر لیاقت علی آفاقی- آئی، آر، ایس کی قیادت میں آر کے پورم، سیکٹر -1 میں واقع کمیٹی کے برانچ آفس میں کمپوٹرائز قرعہ اندازی (ڈی آر ایس) کے ذریعہ کرایا جائے گا۔ یہ اطلاع حج کمیٹی آف انڈیا نے پریس کے لیے جاری ایک ریلیز میں دی۔
عازمین حج مرکزی و ریاستی حج کمیٹیوں کے ذمہ داران اور حج سے وابستہ سرکاری و غیر سرکاری تنظیمیں اس لنک پر https://hajcommittee.gov.in قرعہ اندازی کو براہ راست دیکھ سکتے ہیں۔ منتخب شدہ عازمین کو ایس-ایم-ایس کے ذریعے بھی انتخابات کی اطلاع دی جائے گی۔
منتخب عازمین کی فہرست حج کمیٹی آف انڈیا کی ویب سائڈ اور حج سیودھا ایپ پر بھی دیکھی جا سکتی ہے۔ قرعہ اندازی کے موقع پر وزارتِ اقلیتی امور کے ڈپٹی سیکرٹری اور حج کمیٹی آف انڈیا کے ڈپٹی سی، ای، او نظیم احمد، آئی،او،ایف،ایس کے ساتھ وزارتِ اقلیتی امور، حج کمیٹی آف انڈیا، این، آئی، سی کے اعلیٰ افسران و ذمہ داران بھی موجود رہیں گے۔
