انڈونیشیا میں زلزلے کے جھٹکے، ایک شخص ہلاک

جکارتہ: انڈونیشیا کے یوگیکارتا صوبے اور اس کے آس پاس کے صوبوں میں جمعہ کو شدید زلزلہ آیا جس میں ایک شخص کی موت ہو گئی اور کم از کم نو زخمی ہو گئے۔

حکام نے ہفتہ کو بتایا کہ زلزلے کی شدت ریکٹر اسکیل پر 6.0 ناپی گئی۔ زلزلے سے 100 سے زائد گھر اور انفراسٹرکچر تباہ ہو گیا۔

یوگیکارتا صوبے کے ڈیزاسٹر مینجمنٹ اور تخفیف کی ایجنسی کے ریپڈ ریسپانس یونٹ کی طرف سے ہفتہ کو جاری کردہ ایک ریلیز میں کہا گیا ہے کہ زلزلے سے بنتول ضلع میں ایک شخص ہلاک اور بنٹول، گننگ کڈول، سلیمان اور کولون پروگو اضلاع میں نو دیگر زخمی ہوئے۔

موسمیات اور جیو فزکس ایجنسی نے کہا، "ملک کے مغربی صوبے یوگیکارتا میں کل شام 7:57 پر 6.0 شدت کا زلزلہ آیا۔” جکارتہ کے وقت (1257جی ایم ٹی) زلزلے کا مرکز ضلع بنتول سے 86 کلومیٹر شمال مغرب میں اور سمندر کی تہہ کے نیچے 25 کلومیٹر کی گہرائی میں تھا۔

نیشنل ڈیزاسٹر منیجمنٹ اینڈ مٹیگیشن ایجنسی کے ترجمان عبدالمہری نے آج ایک پیغام میں کہا کہ زلزلے کی وجہ سے یوگیکارتا اور وسطی جاوا اور مشرقی جاوا کے صوبوں میں کم از کم 102 مکانات کو معمولی اوردرمیانی نقصان پہنچا ہے۔

ترجمان نے کہا کہ زلزلے سے اسکولوں، دفتری عمارتوں، مذہبی اور صحت کی سہولیات کو بھی نقصان پہنچا۔