خواتین کو بااختیار بنانا صرف کانگریس پارٹی کے ذریعہ ہی ممکن:الکالامبا

حیدرآباد: اے آئی سی سی خواتین کانگریس کی صدر الکا لامبا نے کہا ہے کہ خواتین کو بااختیار بنانا صرف کانگریس پارٹی کے ذریعہ ہی ممکن ہے۔ انہوں نے وعدہ کیا کہ اگر ملک میں کانگریس کی حکومت بنتی ہے تو ضمانتوں کو نافذکیاجائے گا۔

 تلنگانہ میں پارٹی امیدواروں کی انتخابی مہم میں حصہ لینے آئی الکا لامبا نے آج صبح حیدرآباد میں ایک پریس کانفرنس سے خطاب کرتے ہوئے کہا کہ ان کی حکومت مہالکشمی، 500 روپے میں گھریلو پکوان گیس اور ریاست میں خواتین کے لیے 6ضمانتوں کو نافذ کررہی ہے۔

 اور ان کی حکومت کرناٹک میں خواتین کے لیے فلاحی اسکیمیں بھی نافذ کررہی ہے۔ انہوں نے الزام لگایا کہ بی جے پی نے کئی مجرموں کو ٹکٹ دیا ہے۔