ماں پرحملہ پربرہم بیٹے نے باپ کو ہلاک کردیا

حیدرآباد: ایک چونکا دینے والی واردات میں، شہرحیدرآباد کے مضافاتی علاقہ شاہ آباد میں گھر میں جھگڑے کے بعد ایک شخص کو مبینہ طور پر اس کے بیٹے نے مار پیٹ کر قتل کر دیا۔

پولیس کے مطابق52سالہ سدانندم جو دامرلا پلی کا رہنے والا ہے، مٹی کے برتن بنانے کا کام کرتاتھا، اتوار کی دیر رات اپنی بیوی سجاتا سے اس کی شدید بحث وتکرارہوئی۔

اس نے بیوی پرحملہ کردیاجس پر برہم اس کے بیٹے نریش نے باپ پرحملہ کردیا۔اس حملہ میں وہ نیچے گرکرہلاک ہوگیا۔

پولیس نے مقدمہ درج کر کے نریش کو گرفتار کیا، جسے بعد میں پیر کو عدالتی تحویل میں بھیج دیا گیا۔