جنوبی ہند کی مشہور اداکارہ آملا پال کو مندر میں داخلہ سے انکار

کوچی: جنوبی ہند کی مشہور اداکارہ املا پال نے الزام عائد کیا کہ اسے ترو ورانی کلم مہادیوا مندر میں داخلہ کی اجازت نہیں دی گئی۔

اداکارہ نے دعویٰ کیا کہ پیر کے دن مندر کے حکام نے ان روایتوں کا حوالہ دیتے ہوئے کہ مندر کے اندر صرف ہندوؤں کو داخلہ کی اجازت ہے، اسے درشن سے منع کردیا، تاہم پرعزم املا نے مندر کے سامنے روڈ سے ہی مورتی کی پوجا انجام دی۔

مندر کا درورہ کرنے والوں کی کتاب الرائے میں اپنے تجربہ کو پیش کرتے ہوئے اس نے تحریر کیا کہ حالانکہ اسے مورتی کو دیکھنے کی اجازت نہیں دی گئی، اس کے باوجود اس نے دیوی کی روح کو محسوس کیا ہے۔

2023ء میں بھی مذہبی امتیازات سے وہ مایوس ہے۔ مورتی کے قریب وہ نہ جاسکی، لیکن اسے روحانی طور پر درشن کا احساس ہوا۔