قطر میں کورونا کے نئے ویرینٹ ای جی 5 کا پہلا معاملہ

دوحہ: قطر میں کورونا وائرس ای جی-5 کے نئے ویرینٹ کا پہلا کیس سامنے آیا ہے۔

ملک کی صحت عامہ کی وزارت نے انفیکشن کی صحیح تعداد کا انکشاف نہیں کیا لیکن کہا کہ پہلے معاملے میں معمولی علامت نظرآرہی ہے اور مریض کو اسپتال میں داخل ہونے کی ضرورت نہیں ہے۔

وزارت نے کہا کہ وہ کوود-19 کے نئے ویرینٹ کی صورت حال پر گہری نظر رکھے ہوئے ہے۔

وزارت نے ان شہریوں پر ، خاص طور پر ایسے لوگ جو شدید انفیکشن کے زیادہ خطرات والے افراد ، جیسے کہ بزرگ اور کمزور صحت والے لوگوں کو احتیاطی تدابیر پر عمل کرنے پر زور دیا۔ ان لوگوں کو ماسک پہننے، باقاعدگی سے ہاتھ دھونے اور بھیڑ والی جگہوں پر فاصلہ برقرار رکھنے کا مشورہ دیا گیا ہے۔

ای جی-5، اومیکران ایکس بی بی 1.9.2 کا ذیلی ویرینٹ ہے اور ای جی-5 کا پہلا کیس فروری میں درج کیا گیا تھا۔ 09 اگست کو ورلڈ ہیلتھ آرگنائزیشن نے اسے "ویرینٹ آف انٹرسٹ” کے طور پر نامزد کیا لیکن اس دوران یہ بھی کہا کہ یہ ویرینٹ صحت عامہ کے لیے کم خطرہ پیدا کرتا ہے۔