شادی کے منڈپ سے دلہن امتحان تحریر کرنے امتحانی مرکز پہنچ گئی

حیدرآباد: شادی کے منڈپ سے دلہن امتحان تحریر کرنے کیلئے امتحانی مرکز پہنچ گئی۔

یہ واقعہ تلنگانہ کے ضلع جگتیال میں پیش آیا۔تفصیلات کے مطابق ضلع کے کورٹلہ ٹاون کے رہنے والے سائیکلو کی بیٹی پدماوتی ایک پرائیویٹ ڈگری کالج میں بی ایس سی سال دوم کی تعلیم حاصل کر رہی ہے۔

اس وقت چوتھے سمسٹر کے امتحانات چل رہے ہیں۔ پدماوتی کی شادی ضلع رنگاریڈی کے شمس آباد کے راجو سے طئے پائی۔

شادی کے دن ہی امتحان ہونے پر شادی کی رسوم کی جلد تکمیل کو یقینی بنایاگیا اور اس شادی کے فوری بعد نوبیاہتا جوڑا بذریعہ کار امتحانی مرکز چلاگیا۔

پدماوتی نے دوپہر 2 بجے سے شام 5 بجے تک کیمسٹری کا امتحان لکھا۔