جلد کرالیں ای – کے وائی سی، رسوئی گیس سلنڈر پر ملنے والے سبسڈی بند ہو سکتی ہے

وارانسی: وارانسی میں گھریلو ایل پی جی گیس سلنڈر پر ملنے والی سبسڈی کا فائدہ جاری رکھنے کے لیے صارفین جلد از جلد ای-کے وائی سی کرا لیں۔

اگر 30 جون تک ای-کے وائی سی نہیں کرائی گئی تو سبسڈی ملنا بند ہو سکتی ہے۔ خاص طور پر اجولا یوجنا سے وابستہ مستفیدین کے لیے قواعد کے مطابق ہر مالی سال میں کم از کم ایک بار بایومیٹرک آدھار تصدیق یا ای-کے وائی سی کرانا لازمی ہے۔

ضلع کے گھریلو ایل پی جی صارفین کی بڑی تعداد اس سے متاثر ہو سکتی ہے۔ ضلعی سپلائی افسر کے بی سنگھ نے بتایا کہ صارفین کو ای-کے وائی سی کے بارے میں پہلے ہی بیدار کیا جا رہا ہے۔

ضلع میں اجولا یوجنا کے تقریباً 2.49 لاکھ مستفیدین ہیں۔ صارفین اپنی گیس ایجنسی پر جا کر بایومیٹرک تصدیق کرا سکتے ہیں یا متعلقہ گیس کمپنی کی موبائل ایپ کے ذریعے بھی آسانی سے ای-کے وائی سی کا عمل مکمل کر سکتے ہیں۔ اس کے لیے کسی بھی قسم کی کوئی فیس نہیں لی جاتی۔