بجٹ تقریر میں کئی تبدیلیاں کرنے گورنر تمیلی سائی کا مشورہ

حیدرآباد: تلنگانہ کے بجٹ اجلاس کا آغاز گورنر تمیلی سائی سوندراراجن کے خطبہ سے ہوگا۔ گورنر نے ریاستی حکومت کو ان کی بجٹ تقریر میں کئی تبدیلیاں کرنے کا مشورہ دیا۔ انہوں نے وزیر پرشانت ریڈی سے کہا کہ ان کاخطبہ حقائق کے قریب ہو۔

اس موقع پر وزیر موصوف نے کہا کہ بجٹ تقریر گورنر کی ہدایات کے مطابق تیار کی جائے گی۔ ان کا کہنا تھا کہ موجودہ حقائق کو تقریر میں دکھایاجائے گا۔ گورنر 3 فروری کو دونوں ایوانوں سے خطاب کریں گی۔

قبل ازیں ریاستی حکومت نے گورنر کے خطبہ کے بغیر بجٹ اجلاس منعقد کرنے کا فیصلہ کیا تھا تاہم گورنر نے بجٹ کو منظور ی نہیں دی جس پر ریاستی حکومت ہائی کورٹ سے رجوع ہوئی۔ہائی کورٹ نے دونوں فریقین کو بات چیت کے ذریعہ اس مسئلہ کو حل کرنے کا مشورہ دیا۔

 جس پر دونوں فریقین نے بات چیت کے ذریعہ مسئلہ کو حل کیا۔حکومت نے گورنر کے خطبہ کے ساتھ بجٹ سیشن کے آغاز سے اتفاق کیا تو گورنر نے بجٹ کو منظوری دینے پر رضامندی ظاہر کی۔ اس کے بعد حکومت نے اپنی عرضی ہائی کور ٹ سے واپس لے لی۔