گوروویلی پراجیکٹ کو جلد مکمل کیا جائے گا:وزیرٹرانسپورٹ تلنگانہ

حیدرآباد: تلنگانہ کے وزیر ٹرانسپورٹ پونم پربھاکر نے کہا ہے کہ حسن آباد اسمبلی حلقہ میں مختلف ترقیاتی کام تیزی سے جاری ہیں۔

وزیر پربھاکر نے آج حسن آباد کی سری رینوکا ایلماں مندر میں حاضری دی اور خصوصی پوجا ادا کی۔ انہوں نے مندر حکام کو ہدایت دی کہ شردھالووں کو کسی قسم کی دشواری پیش نہ آئے۔

بعد ازاں وزیر نے حسن آباد کے تالاب کی تزئین و ترقی کے کاموں کا معائنہ کیا۔ انہوں نے بتایا کہ 17 کروڑ روپے کی لاگت سے تالاب کی جدیدکاری اور خوبصورتی کے منصوبے پر کام جاری ہے۔

انہوں نے مزید کہا کہ کسانوں کی ریڑھ کی ہڈی کی حیثیت رکھنے والے گوروویلی پراجیکٹ کو جلد مکمل کیا جائے گا۔