تلنگانہ کے مختلف اضلاع میں آئندہ 48 گھنٹوں کے دوران شدید بارش کا امکان

حیدرآباد :  محکمہ موسمیات نے بدھ کے روز پیش گوئی کی ہے کہ آئندہ 24 گھنٹوں کے دوران تلنگانہ کے عادل آباد، کومرم بھیم آصف آباد، منچریال، نرمل، نظام آباد، پداپلی، جے شنکر بھوپال پلی، ملوگو، بھدرا دری کوتہ گوڑم اور کھمم اضلاع کے بعض مقامات پر شدید بارش کا امکان ہے۔

محکمہ کی روزانہ موسمی رپورٹ کے مطابق جمعرات کو بھی عادل آباد، کومرم بھیم آصف آباد، منچریال، نرمل اور نظام آباد اضلاع کے چند مقامات پر شدید بارش متوقع ہے۔

آئندہ سات دنوں کے دوران تلنگانہ کے مختلف علاقوں میں ہلکی سے درمیانی بارش یا گرج چمک کے ساتھ بارش ہونے کا امکان ہے۔

اگلے تین دنوں کے دوران ریاست کے مختلف مقامات پر گرج چمک، آسمانی بجلی اور 30 سے 40 کلومیٹر فی گھنٹہ کی رفتار سے تیز ہواؤں کے ساتھ بارش ہونے کی پیش گوئی کی گئی ہے۔

محکمہ موسمیات نے مزید بتایا کہ 4 سے 7 جولائی کے درمیان تلنگانہ کے مختلف علاقوں میں 40 سے 50 کلومیٹر فی گھنٹہ کی رفتار سے تیز سطحی ہوائیں چلنے کا بھی امکان ہے۔

محکمے کے مطابق جنوب مغربی مانسون تلنگانہ میں سرگرم ہے اور گزشتہ 24 گھنٹوں کے دوران ریاست کے بیشتر علاقوں میں بارش ریکارڈ کی گئی ہے