ایچ ایم پی وی وائرس،حیدرآباد کے گاندھی اسپتال میں 40 بستروں والے آئسولیشن وارڈ بنائے گئے

حیدرآباد: ایچ ایم پی وی وائرس کے پھیلنے کے پیش نظر شہرحیدرآباد کے گاندھی اسپتال انتظامیہ کو الرٹ کردیا گیا ہے۔ گاندھی اسپتال کے ڈپٹی سپرنٹنڈنٹ سنیل کمار نے بتایا کہ اسپتال کی اصل عمارت میں 40 بستروں والے آئسولیشن وارڈ بنائے گئے ہیں۔

مردوں کے لیے 15، خواتین کے لیے 5 اور بچوں کے لیے 20 بستر مختص کیے گئے ہیں۔

ماہرین نے کہا ہے کہ ایچ ایم پی وی وائرس کورونا وائرس جتنا خطرناک نہیں ہے بلکہ عام انفلوئنزا جیسا ہے۔

ڈاکٹرس شہریوں پر زور دے رہے ہیں کہ وہ ایسے وائرس سے چوکس رہیں جو تیزی سے پھیلتے ہیں۔

شہریوں کو اس وائرس سے پریشان ہونے کی ضرورت نہیں ہے اور احتیاطی تدابیر ہی کافی ہیں۔

انہوں نے کہا کہ اب تک اس وائرس سے ایک بھی موت نہیں ہوئی ہے۔

انہوں نے کہا کہ گاندھی اسپتال، کوویڈ نوڈل سنٹر میں 600 آکسیجن بستر، 450 سے زیادہ وینٹی لیٹر، 400 مانیٹر، تقریباً 40,000 کلو لیٹر مائع آکسیجن ٹینک، سینکڑوں آکسیجن سلنڈر، اور پیڈیاٹرک وینٹی لیٹر دستیاب ہیں۔