کمل ہاسن‘ لوک سبھا الیکشن نہیں لڑیں گے

چینائی: ٹامل سوپر اسٹار اور صدر مکل نیدھی میئم (ایم این ایم) کمل ہاسن‘ لوک سبھا الیکشن نہیں لڑیں گے۔ اس کے بجائے وہ ڈی ایم کے اتحاد کے لئے انتخابی مہم چلائیں گے۔ ان کی پارٹی ایم این ایم باقاعدہ ڈی ایم کے اتحاد کا حصہ بن چکی ہے۔ ڈی ایم کے ذرائع کا کہنا ہے کہ کمل ہاسن کو راجیہ سبھا کی نشست دی جائے گی۔

 ڈی ایم کے کمل ہاسن کو کوئمبتور حلقہ لوک سبھا سے میدان میں اتارنا چاہتی تھی لیکن اس نشست کی نمائندگی کرنے والی سی پی آئی ایم‘ کوئمبتور نشست چھوڑنے کو تیار نہیں۔

 ذرائع کا کہنا ہے کہ کمل ہاسن کا مسئلہ حل ہوجانے کے بعد ڈی ایم کے اتحاد اب آئندہ چند دن میں نشستوں کی تقسیم کو قطعیت دے سکے گا۔ سیاسی تجزیہ نگار جارج ابراہم نے آئی اے این ایس سے کہا کہ یہ اچھا فیصلہ ہے۔