بی آرایس میں کیسے شمولیت اختیار کی جائے؟ مہاراشٹرا کے ایک شخص کا کویتا کو ٹویٹ

حیدرآباد: مہاراشٹرسے تعلق رکھنے والے ایک شخص نے تلنگانہ کی حکمران جماعت بی آرایس کی رکن قانون ساز کونسل کے کویتا کو ٹویٹ کرتے ہوئے پوچھا کہ بی آرایس میں کیسے شمولیت اختیارکی جائے، ان کا تعلق مہاراشٹرسے ہے۔

سوشیل میڈیا کے اہم پلیٹ فارم ٹویٹر پر سرگرم کویتا نے ساگر وراڈے نامی اس شخص کو جوابی ٹویٹ کرتے ہوئے کہا کہ ملک بھر میں ہونے والے بی آرایس کے جلسوں اور پروگراموں میں شامل ہوتے ہوئے وہ وزیراعلیٰ کے چندرشیکھرراؤ اور بی آرایس پارٹی کی حمایت کرسکتے ہیں۔

کویتا نے اپنے جوابی ٹویٹ کے ساتھ ہیش ٹیگ لگایا ”اب کی بار کسان سرکار“