حائیڈرا کی انہدامی کارروائیاں، حیدرآباد میں جائیدادوں کے رجسٹریشن میں بھاری کمی

حیدرآباد: حیدرآباد میں جائیدادوں کے رجسٹریشن میں رواں سال اگست میں زبردست کمی دیکھی گئی، پچھلے مہینہ کے مقابلہ میں 27 فیصد کمی واقع ہوئی۔

تازہ ترین اعداد و شمار کے مطابق اگست میں 6,439 جائیدادوں کا اندراج کیا گیا، جو جولائی میں ریکارڈ کی گئی 8,781 رجسٹریشنوں سے بہت زیادہ کم ہے۔ یہ ڈرامائی کمی ان خدشات کے درمیان سامنے آئی ہے کہ حائیڈرا کی جانب سے غیر قانونی تعمیرات کے انہدام نے ریئل اسٹیٹ مارکیٹ میں سست روی کی وجہ بن گیا ہے۔

مارکیٹ کے تجزیہ کاروں کا کہنا ہے کہ حائیڈرا کی بڑے پیمانہ پر انہدامی مہم کی وجہ سے پیدا غیریقینی صورتحال برقرار ہے، جس کا مقصد غیرقانونی ڈھانچوں کو ہٹانا اور شہرمیں امکانی سیلاب سے نمٹنا ہے، ممکنہ خریداروں کو سرمایہ کاری ملتوی کرنے پر مجبور کر سکتا ہے نائٹ فرینک کے اعداد و شمار کے مطابق، اگست میں رجسٹرڈ پراپرٹیز کی مجموعی قیمت 4034 کروڑ روپے کو چھو گئی جو سال بہ سال 17 فیصد اضافے کی عکاسی کرتا ہے۔

تاہم رجسٹریشن میں تیزی سے ماہانہ کمی نے ان فوائد کو زیر کر دیا ہے جس سے مارکیٹ پر ممکنہ طویل مدتی اثرات کے بارے میں خدشات بڑھ گئے ہیں۔

رپورٹ کے مطابق ایک کروڑ روپے سے زیادہ کی قیمت والی پریمیم پراپرٹیز کی مانگ مستحکم رہی، اس زمرے میں 61 فیصد سال بہ سال اضافہ ہوا، 50 لاکھ روپے سے کم کی جائیدادوں کے رجسٹریشن میں اگست 2023 کے مقابلہ میں 13 فیصد کی کمی دیکھی گئی۔