حیدرآباد سرمایہ کاری کے لیے مثالی علاقہ: وزیر آئی ٹی تلنگانہ تارک راماراو

حیدرآباد: تلنگانہ کے وزیر آئی ٹی تارک راما راو نے کہا ہے کہ حیدرآباد سرمایہ کاری کے لیے ایک مثالی علاقہ ہے۔ وزیر موصوف نے بدھ کو حیدرآباد کے مادھا پور میں انٹرنیشنل ٹیک پارک کا افتتاح کیا۔

اس موقع پر خطاب کرتے ہوئے انہوں نے اس بات پر مسرت کا اظہار کیا کہ شہر حیدرآباد دنیا کے لیے ویکسین تیار کرنے کی سطح پر پہنچ گیا ہے۔

انہوں نے کہا کہ ملک میں 40 فیصد سے زائددوائیں یہاں سے آتی ہیں۔ انہوں نے یقین دلایا کہ وہ ان کمپنیوں کے ساتھ کھڑے ہوں گے جو سرمایہ کاری کے ساتھ آگے آئیں گی۔

انہوں نے کہا کہ حیدرآباد لائف سائنسس کا مرکز بنے گا۔ انہوں نے کہا کہ حیدرآباد بہت خوبصورت شہر ہے یہاں پر ٹیلنٹ کی کوئی کمی نہیں ہے۔ انہوں نے یہ بھی کہا کہ وہ چاہتے ہیں کہ خواتین ریزرویشن بل پاس ہو۔