حیدرآباد: ٹرین سے اترنے کی کوشش۔ خاتون نیچے گر کرہلاک

حیدرآباد: ٹرین سے اترنے کی کوشش کے دوران ایک خاتون نیچے گرگئی جس کے نتیجہ میں اس کی موت ہوگئی۔اس خاتون کی شناخت سنگاریڈی ضلع کے بیرم گوڑہ کی 45سالہ کملادیوی کے طورپر کی گئی ہے۔

اتوار کی شام وہ ملکاجگری ریلوے اسٹیشن پر ٹرین سے اترتے وقت حادثاتی طور پر ٹرین کے نیچے گرگئی جس کے نتیجہ میں وہ ہلاک ہوگئی۔

پولیس کے مطابق کملادیوی اپنی بیٹی بھاونا کے ساتھ کاچی گوڑہ ایکسپریس (ٹرین نمبر 17606) میں مارواڑ سے کاچی گوڑہ جا رہی تھی۔ یہ واقعہ اس وقت پیش آیا جب ٹرین پلیٹ فارم نمبر 2 پر پہنچی۔ بتایا گیا ہے کہ کملادیوی ٹرین سے اترتے ہوئے پھسل گئی اور اس کے دونوں پاؤں شدید زخمی ہو گئے۔

ریلوے عملے اور مسافروں نے فوری طور پر اسے گاندھی اسپتال پہنچایا، جہاں علاج کے دوران ا س کی موت ہوگئی۔سکندرآباد گورنمنٹ ریلوے پولیس نے واقعہ کی تحقیقات شروع کر دی ہیں۔