آئندہ دس سالوں میں تلنگانہ کا وزیراعلی بن جاوں گا:جگاریڈی

حیدرآباد: تلنگانہ کانگریس کے رکن اسمبلی جگاریڈی نے وجئے دشمی کی تقریب کے دوران دلچسپ تبصرہ کیا۔

انہوں نے کہا کہ وہ آئندہ دس سالوں میں ریاست کے وزیر اعلیٰ بن جائیں گے۔

جگاریڈی جو اسمبلی میں سنگاریڈی حلقہ کی نمائندگی کرتے ہیں، نے اپنے حلقہ میں کل شب وجئے دشمی کی تقریب میں شرکت کی اور عوام سے درخواست کی کہ وہ ان کی خواہش کی تکمیل کیلئے پرارتھنا کریں۔

انہوں نے کہا کہ چونکہ انتخابی ضابطہ اخلاق نافذ ہے اس لیے وہ زیادہ بات نہیں کر پا رہے ہیں ورنہ مزید باتیں کرتے۔

انہوں نے کہا کہ سنگاریڈی کا مطلب ہے جگاریڈی،جگاریڈی کا مطلب سنگاریڈی۔انہوںنے پوچھا کہ کیا کوئی اس سے انکار کرسکتا ہے۔