خاتون صفائی کرمچاری کو جنسی ہراسانی کا واقعہ‘2ملازمین برطرف

حیدرآباد: جی ایچ ایم سی کمشنر رونالڈ راس نے گجولا رامارم میں خاتون صفائی کرمچاری کی جنسی ہراسانی میں ملوث سوپر وائزر پی کشن اور سی ایچ پرانئے کو ڈیوٹی سے برطرف کردیا اور انتباہ دیا کہ جو کوئی ڈیوٹی کے مقام پرجنسی ہراسانی میں ملوث ہوں گے ان کے خلاف سخت کارروائی کی جائے گی۔

 قبل ازیں اس واقعہ کی کل اطلاع ملنے پر کمشنر رونالڈ راس ن ے شدید برہمی کا اظہار کیا اور زونل کمشنر کوکٹ پلی کو اس واقعہ کی تحقیقات کرنے اور خاطیوں کے خلاف سخت کاروائی کرنے کی ہدایت دی تھی۔

 جب یہ زونل کمشنر، ڈپٹی کمشنر نے میڈیکل آفیسر اور فیلڈ لیول اسٹاف کے ہمراہ تحقیقات کے بعد اس واقعہ کی رپورٹ کمشنر کو پیش کی۔ کمشنر کی ہدایت پر زونل کمشنر نے مذکورہ دونوں ملازم کو خدمات سے برطرف کردیا۔