شمال مشرق
ٹرینڈنگ

جماعت اسلامی کی تقریب میں حماس رہنما کے خطاب کی تحقیقات

چیف منسٹر کیرالا پی وجین نے پیر کے دن کہا کہ ریاست میں حال میں ایک اسلامی گروپ کی تقریب میں حماس کے ایک رہنما کے مبینہ آن لائن خطاب کی تحقیقات پولیس کرے گی اور اگر کچھ غلط پایا گیا تو مناسب کارروائی ہوگی۔

کوچی: چیف منسٹر کیرالا پی وجین نے پیر کے دن کہا کہ ریاست میں حال میں ایک اسلامی گروپ کی تقریب میں حماس کے ایک رہنما کے مبینہ آن لائن خطاب کی تحقیقات پولیس کرے گی اور اگر کچھ غلط پایا گیا تو مناسب کارروائی ہوگی۔

متعلقہ خبریں
خواتین تحفظات قانون میں مسلم اور اوبی سی خواتین کیلئے کوٹہ مختص کیا جائے:جماعت اسلامی ہند
راشن دکانوں پر مودی کی تصویر نہیں لگائی جائے گی
لندن اور انڈونیشیا میں ہزاروں افراد کا جنگ روکنے کیلئے مارچ
مرکز کے ظلم کے خلاف انسانی زنجیر احتجاج، لاکھوں افراد کی شرکت
بی جے پی کے خلاف دہلی کانگریس کی ریالی

چیف منسٹر نے الزام عائد کیا کہ بی جے پی صرف فلسطین کی تائید کرنے والے لوگوں کو جھوٹے کیسس میں پھنسانا چاہتی ہے۔ انہوں نے کہا کہ کیرالا میں ایسا ہونے نہیں دیا جائے گا۔

انہوں نے نشاندہی کی کہ ریاست اور ملک نے ہمیشہ فلسطین کی تائید کی ہے اور مرکز کا موقف صرف اب بدلا ہے۔

پی وجین کی توجہ بی جے پی صدر جے پی نڈا اور مرکزی مملکتی وزیر الکٹرانکس راجیو چندرشیکھر کے ان ریمارکس کی طرف مبذول کرائی گئی تھی کہ نہ تو بایاں بازو حکومت اور نہ ہی پولیس نے حماس رہنما کا خطاب روکنے مداخلت کی۔

چیف منسٹر نے کہا کہ یہ خطاب ریکارڈ کردہ لگتا ہے اور اس کی جانچ ہوگی۔ جماعت ِ اسلامی کے شعبہ ئ نوجوانان سالیڈاریٹی یوتھ موومنٹ کے زیراہتمام تقریب میں فلسطینی لڑاکے نے تقریر کی تھی۔

چیف منسٹر نے کہا کہ ہمیں دیکھنا ہوگا کہ اس نے کیا کہا۔ جماعت اسلامی یا کوئی اور تنظیم جب پولیس سے اجازت مانگتی ہے تو اجازت دی جاتی ہے اور اس معاملہ میں بھی ایسا ہی ہوا۔