آئی پی ایل 2026: سن رائزرز حیدرآباد کا ٹاس جیت کر پہلے بیٹنگ کا فیصلہ

حیدرآباد: انڈین پریمیئر لیگ (آئی پی ایل) 2026 کے 45 ویں میچ میں سن رائزرز حیدرآباد (ایس آر ایچ) نے کولکتہ نائٹ رائیڈرز (کے کے آر) کے خلاف ٹاس جیت کر پہلے بیٹنگ کرنے کا فیصلہ کیا ہے۔ یہ مقابلہ رائے پور کے شہید ویر نارائن سنگھ انٹرنیشنل اسٹیڈیم میں کھیلا جا رہا ہے۔

ٹاس کے موقع پر حیدرآباد کے کپتان پیٹ کمنز نے کہا”پچ بیٹنگ کے لیے بہترین نظر آ رہی ہے اور یہاں ایک ہائی اسکورنگ میچ کی توقع ہے۔ ہماری ٹیم کا جارحانہ انداز (220 پلس اسکورنگ) ہمارے لیے کارگر ثابت ہو رہا ہے۔

نوجوان کھلاڑیوں نے شاندار کارکردگی دکھائی ہے جبکہ تجربہ کار کھلاڑیوں نے ذمہ داری سنبھالی ہے۔”کولکتہ نائٹ رائیڈرز کے کپتان اجنکیا رہانے نے کہا”ہم بھی پہلے بیٹنگ کرنا چاہتے تھے، لیکن ہمیں ہدف کا تعاقب کرنے میں کوئی مسئلہ نہیں ہے۔ حالیہ بریک نے ہمیں اپنی خوبیوں اور خامیوں پر غور کرنے کا موقع دیا ہے۔”

سن رائزرز حیدرآباد ٹیم میں دو تبدیلیاں کی گئی ہیں۔ بیمار نتیش ریڈی کی جگہ سمرن روی چندرن اور ہرش دوبے کی جگہ ہرشل پٹیل کو شامل کیا گیا ہے۔

کولکتہ نائٹ رائیڈرز کے کے آر نے بھی دو تبدیلیاں کیں۔ فن ایلن کی جگہ ٹم سیفرٹ اور رمن دیپ سنگھ کی جگہ تجربہ کار منیش پانڈے سیزن کا اپنا پہلا میچ کھیل رہے ہیں۔