جسٹس الوک ارادھے تلنگانہ ہائی کورٹ کے نئے چیف جسٹس ہوں گے

حیدرآباد: جسٹس الوک ارادھے تلنگانہ ہائی کورٹ کے نئے چیف جسٹس ہوں گے کیونکہ سپریم کورٹ کالیجم نے گذشتہ شب ان کے نام کی سفارش کی ہے۔

جسٹس الوک فی الحال کرناٹک ہائی کورٹ کے جج کے طورپر فرائض انجام دے رہے ہیں۔

کالیجم نے کہا کہ جسٹس اجول بھویان چیف جسٹس تلنگانہ ہائی کورٹ کو سپریم کورٹ کا جج مقررکرنے کی سفارش کے بعد اس مخلوعہ عہدہ کو جسٹس الوک سے پُرکیاجائے گا۔

جسٹس الوک، 29 دسمبر 2009 کو مدھیہ پردیش ہائی کورٹ کے جج بنائے گئے تھے اور وہ اپنی ریاست کے سینئرجج بن گئے تھے جس کے بعد ان کا تبادلہ نومبر 2018 میں کرناٹک ہائی کورٹ کردیاگیا تھا۔

انہیں دونوں ہائی کورٹس میں تقریبا 13سال کا تجربہ رہا ہے۔