انتخابی وعدوں کی تکمیل میں کے چندر شیکھر راؤ کا شاندار ریکارڈ: کے کویتا

حیدرآباد: بی آر ایس ایم ایل سی کے کویتا نے کہا کہ ریاست کے محروم اور پسماندہ طبقات کی ترقی اور خوشحالی کیلئے، کے چندر شیکھر راؤ کا چیف منسٹر کے عہدہ پر برقرار رہنا ضروری ہے۔

 آج نظام آباد میں گوسنگی سماج کے ساتھ منعقدہ اجلاس سے خطاب کرتے ہوئے انہوں نے کہا کہ عوام سے کئے گئے وعدوں کو پورا کرنے میں کے سی آر کا شاندار ریارڈ ہے۔ انہوں نے وعدہ کیا کہ بی آ رایس حکومت کی تشکیل کے بعد دلت طبقات کیلئے زیر عمل تمام اسکیمات سے گوسنگی سماج کو بھی فائدہ پہنچایا جائے گا۔

انہوں نے مزید کہا کہ دلت بندھو اسکیم سے صرف چند افراد کو فائدہ پہنچنے کے متعلق خدشات کا شکار ہونے کی ضرورت نہیں ہے۔ حکومت مراحل میں تمام دلت خاندانوں کو دلت بندھو اسکیم سے فائدہ پہنچائے گی۔

انہوں نے کہا کہ ملک کی کسی بھی ریاست میں بی سی طبقہ کے مزدوروں کو پنشن اسکیم پر عمل نہیں کیا جارہا ہے مگر تلنگانہ ایسی واحد ریاست ہے جہاں بی سی اور بی ڈی مزدوروں کیلئے پنشن فراہم کیا جارہا ہے۔

مرکزی حکومت پر شدید تنقید کرتے ہوئے کویتا نے کہا کہ مودی کی غلط پالیسیوں کی وجہ سے مہنگائی عروج پر پہنچ چکی ہے۔ عوام پریشان ہیں۔ حکومت عوام کے مفادات کے بجائے کارپورٹ اداروں کیلئے کام کررہی ہے۔ کویتا نے کہا کہ کانگریس بھی گاندھی بھون میں ریونت کی شکل میں گاڈسے کو بٹھا رکھا ہے۔ اس لئے سماج کو نقصان ہورہا ہے۔