کرناٹک: کانگریس کو 137 اور بی جے پی کو 64 نشستیں

بنگلورو: کرناٹک اسمبلی انتخابات کے اعلان کردہ نتائج میں کانگریس نے 137 سیٹوں پر جیت حاصل کرکے ریاست میں اپنی حکومت بنانے کی راہ ہموار کر لی ہے۔

 جبکہ حکمراں بھارتیہ جنتا پارٹی (بی جے پی) کے کھاتے میں صرف 64 سیٹیں آئی ہیں، جنتا دل سیکولر (جے ڈی-ایس) نے 20 سیٹوں پر کامیابی حاصل کی ہے۔ کانگریس نے گنتی کے ابتدائی دور سے ہی اپنی برتری برقرار رکھی۔

الیکشن کمیشن کے مطابق 5بجے تک کانگریس 137 سیٹوں پر آگے ہے، جبکہ بی جے پی 64 اور جے ڈی ایس 20 سیٹوں پر آگے چل رہی ہے۔ اس کے علاوہ دو نشستوں پر دو علاقائی جماعتوں کے امیدوار آگے ہیں۔