دہلی شراب معاملہ میں کویتا کی گرفتاری شواہد کے پائے جانے کے بعد ہوئی: بی جے پی

حیدرآباد: ای ڈی کی جانب سے بی آرایس کی لیڈر کویتا کو گرفتارکرنے کے معاملہ پر ردعمل ظاہر کرتے ہوئے بی جے پی لیڈر این وی ایس سبھاش نے کہا کہ گذشتہ دس سال سے سابق وزیراعلی کے چندرشیکھرراو کا خاندان کئی گھپلوں میں ملوث رہا ہے۔

دہلی شراب معاملہ میں کویتا کی گرفتاری، شواہد کے پائے جانے کے بعد ہوئی ہے۔اگرکویتا خاطی نہیں ہیں تو بی آرایس کے لیڈروں اور کارکنوں کی جانب سے کیوں احتجاج کیاجارہا ہے۔

ان کو اپنی بے گناہی ثابت کرنے دیجئے۔کویتا کی گرفتاری سے بی جے پی کا کوئی لینا دینا نہیں ہے۔قانون کو اپنا کام کرنے دیجئے۔کویتا کسی بھی عدالت سے رجوع ہونے کیلئے آزاد ہیں۔