ایس آر ایچ کے خلاف میچ کے بعد کوہلی نے ہیڈ سے نہیں ملایا ہاتھ

حیدرآباد: آئی پی ایل 2026 میں حیدرآباد میں ہوئے سن رائزرز حیدرآباد (ایس آر ایچ) اور رائل چیلنجرز بنگلورو (آر سی بی) میچ کے بعد آر سی بی کے سلامی بلے باز وراٹ کوہلی نے ایس آر ایچ کے سلامی بلے باز ٹریوس ہیڈ سے ہاتھ ملانے سے انکار کر دیا۔

میچ کے بعد ہونے والی روایتی ہینڈ شیک لائن میں کوہلی نے ایس آر ایچ کے کپتان پیٹ کمنز اور ابھشیک شرما سے ہاتھ ملایا، لیکن ٹریوس ہیڈ کو نظر انداز کر دیا۔ ہیڈ نے کوہلی سے ہاتھ ملانے کے لیے اپنا ہاتھ بڑھایا تھا، لیکن کوہلی انہیں چھوڑ کر آگے بڑھ گئے اور لائن میں اگلے کھلاڑی سے ہاتھ ملا لیا۔

آر سی بی کی رن چیز کے دوران کوہلی اور ہیڈ کے درمیان کچھ ہلکی نوک جھونک ہوتی بھی دکھائی دی۔ حالانکہ، یہ صاف نہیں ہو پایا کہ دونوں کے درمیان یہ تناؤ کس وجہ سے ہوا۔