کیاش فارووٹ کیس، چیف منسٹر کو عدالت میں پیش ہونے کی ہدایت

حیدرآباد: شہر کی ایک عدالت نے تلنگانہ کے چیف منسٹر اے ریونت ریڈی کو 2015 کے کیاش فار ووٹ کیس کے سلسلہ  میں 16 اکتوبر کو اس کے سامنے پیش ہونے کی ہدایت دی.اس کیس میں چیف منسٹر ایک ملزم ہیں۔

 میٹرو پولیٹن سیشن جج کی عدالت نے ریونت ریڈی اور دیگر پانچ ملزمین کو ہدایت دی کہ وہ 16 اکتوبر کو انفورسمنٹ ڈائریکٹوریٹ کے ذریعہ منی لانڈرنگ کی تحقیقات کے سلسلہ  میں کیس میں الزامات پر غور کرنے کی سماعت کے ایک حصہ  کے طور پرعدالت میں حاضر رہیں۔

 آج مقدمہ کی سماعت کے دوران  چوتھا ملزم عدالت میں موجود تھا، جب کہ سی ایم ریڈی سمیت دیگر ملزمان غیر حاضر تھے اور ان کی عدالت میں حاضر ہونے سے استثنیٰ کا مطالبہ کیا گیا تھا جس کو عدالت نے خارج کر دیا۔ عدالت نے کہا16 / اکتوبر کو انہیں عدالت میں حاضر رہنا چاہئے۔