لوک سبھاانتخابات۔اسمبلی کے حلقہ وار اجلاس، بی آرایس کا منصوبہ

حیدرآباد: تلنگانہ کی اصل اپوزیشن جماعت بی آرایس نے لوک سبھا انتخابات کی تیاریوں کے حصہ کے طورپر پارٹی کو تنظیمی سطح سے مستحکم کرنے کی کوششیں شروع کردی ہے۔

حالیہ اسمبلی انتخابات میں اپنی شکست کا جائزہ لیتے ہوئے اس کی وجوہات کا پتہ چلانے والی بی آرایس آئندہ ماہ کے پہلے ہفتے سے اسمبلی حلقہ وار اجلاس منعقد کرنے کا منصوبہ رکھتی ہے۔

بتایاجاتا ہے کہ بی آرایس، تلنگانہ کے مفادات کے تحفظ کے ایجنڈے کے ساتھ پارلیمنٹ کے انتخابات کا سامنا کرے گی۔

پارٹی فیلڈ کی سطح سے ریاستی سطح تک کمیٹیاں بنانے اور تربیتی پروگرام منعقد کرنے کی تیاری کر رہی ہے۔