ہندوستان کے چوتھی سب سے بڑی معیشت بننے سے بازار نے لگائی چھلانگ

ممبئی: ہندوستان نے مجموعی گھریلو پیداوار (جی ڈی پی) کے معاملے میں جاپان کو پیچھے چھوڑتے ہوئے دنیا کی چوتھی سب سے بڑی معیشت بننے سے سرمایہ کاروں کا اعتماد مضبوط ہونے کی بدولت ہوئی چوطرفہ خریدار کے سبب آج شیئر بازار نےاونچی چھلانگ لگائی ۔

بی ایس ای کا 30 شیئرز پر مشتمل حساس انڈیکس سینسیکس 747.66 پوائنٹس یعنی 0.91 فیصد چھلانگ لگا کر 82,468.74 پوائنٹس جبکہ نیشنل اسٹاک ایکسچینج (این ایس ای) نفٹی 218.10 پوائنٹس یعنی 0.88 فیصد بڑھ کر 25,071 پوائنٹس پر پہنچ گیا۔

کاروبار کے آغاز میں، سینسیکس 208 پوائنٹس کی چھلانگ لگا کر 81,928.95 پوائنٹس پر کھلا اور تادم تحریر یہ 81,867.23 پوائنٹس کی نچلی جبکہ 82,492.24 پوائنٹس کی بلند سطح پر رہا۔

اسی طرح نفٹی بھی 66 پوائنٹس کے اضافے کے ساتھ 24,919.35 پوائنٹس پرکھلا اور 24,900.50 پوائنٹس کی نچلی جبکہ 25,079.20 پوائنٹس کی بلند سطح پر رہا۔