راجنا سرسیلا ضلع میں فرنیچر کے گودام میں زبردست آگ، ایک کارکن ہلاک

راجنا سرسیلا: تلنگانہ کے راجنا سرسیلا ضلع میں منگل کی صبح پیڈورو کے مضافات میں واقع مہالکشمی فرنیچر کے گودام میں زبردست آگ لگ گئی۔ ابتدائی اطلاعات کے مطابق آگ شارٹ سرکٹ کے باعث لگی۔

مقامی لوگوں کی اطلاع پر فائر بریگیڈ کا عملہ تین فائر انجنوں کے ساتھ فوری طور پر موقع پر پہنچا اور تین گھنٹے سے زائد کی کوششوں کے بعد آگ پر قابو پالیا۔

اس واقعے میں اترپردیش سے تعلق رکھنے والا ایک کارکن، جو دکان کے اندر سو رہا تھا، ہلاک ہوگیا۔ ڈی ایس پی ناگیندر چاری نے جائے وقوعہ کا دورہ کرکے صورت حال کا جائزہ لیا۔ لاش کو پوسٹ مارٹم کے لیے سرکاری اسپتال منتقل کردیا گیا۔

دکان کے مالک نے املاک کو تقریباً 80 لاکھ روپے کا نقصان ہونے کا اندازہ ظاہر کیا ہے۔

پولیس نے مقدمہ درج کرکے واقعے کی تحقیقات شروع کردی ہے۔