تلنگانہ کے وزیر صحت دَامودرراج نرسمہا سے وزیر اے لکشمن کمار کی ملاقات

حیدرآباد: تلنگانہ کے وزیرصحت دامودر راج نرسمہا سے ریاستی وزیر اے لکشمن کمار نے ملاقات کی۔گذشتہ روز کابینہ میں ہوئی توسیع کے موقع پر لکشمن کو شامل کیاگیاتھا۔

یہ ملاقات دامودر راج نرسمہا کی قیامگاہ پر ہوئی۔ اس موقع پر دامودر راج نرسمہا نے انہیں مبارکباد دیتے ہوئے اُنہیں ریاست کی ترقی میں سرگرم کردار ادا کرنے کی خواہش کی۔

دامودر راج نرسمہا نے کہا کہ صرف کانگریس ہی حقیقی سماجی انصاف کی نمائندہ پارٹی ہے۔

انہوں نے ایس سی طبقہ کی درجہ بندی، ذات پر مبنی مردم شماری، بی سی طبقات کے لئے ریزرویشن میں اضافہ، ایس سی طبقات سے تعلق رکھنے والے چار وزراء کی کابینہ میں شمولیت اور اسپیکر کے عہدے جیسے اقدامات کو کانگریس کی سماجی انصاف کے تئیں وابستگی کی مثالیں قرار دیا۔