معین آباد کے ایک فارم ہاؤز میں مجرا پارٹی، 7 خواتین اور14مرد حراست میں

حیدرآباد: حیدرآباد کے مضافاتی علاقہ میں ایس او ٹی پولیس نے ایک مجرا پارٹی کو ناکام بنا دیا۔ یہ واقعہ رنگا ریڈی ضلع کے معین آباد منڈل کے حدود میں واقع ایتبارپلی گاؤں میں ایک فارم ہاؤز میں آج صبح کی اولین ساعتوں میں پیش آیا۔

راجندر نگر ایس او ٹی پولیس نے فارم ہاؤز پر چھاپہ مار کر 7 خواتین اور 14 مردوں کو حراست میں لے کر معین آباد پولیس کے حوالے کیا۔یہ پارٹی ایک سالگرہ کے موقع پر منعقد کی گئی تھی جس میں شراب اور 70 گرام گانجہ ضبط کیا گیا۔

 چونکہ پارٹی میں خواتین شامل تھیں، پولیس کو شبہ ہے کہ یہ مجرہ پارٹی تھی۔ پولیس کو شبہ ہے کہ مغربی بنگال اور دیگر ریاستوں سے خواتین کو لایا گیا تھا۔ پارٹی کے منتظمین سے مزید تفصیلات معلوم کی جا رہی ہیں۔