انگریزوں اورچیف منسٹر تلنگانہ میں کوئی بڑا فرق نہیں: وائی ایس شرمیلا

حیدرآباد: وائی ایس آرتلنگانہ پارٹی کی سربراہ وائی ایس شرمیلا نے کہا ہے کہ انگریزوں اورچیف منسٹر تلنگانہ چندرشیکھرراو میں کوئی بڑا فرق نہیں ہے شرمیلا نے اپنے پارٹی کے دفتر لوٹس پاونڈ میں قومی پرچم کی نقاب کشائی کی اس موقع پر خطاب کرتے ہوئے انہوں نے کہا کہ ریاست تلنگانہ میں خواتین کی کوئی احترام نہیں ہے۔

 انہوں نے کہا کہ ریاست میں وائن، بیلٹ شاپس اور پبس کی تعداد میں اضافہ ہورہا ہے۔ انہوں نے الزام لگایا کہ وزیراعلی کے چندرشیکھرراو نے 38 ہزار ایکڑ سرکاری اراضی فروخت کردی ہے۔

انہوں نے کہاکہ وہ شراب کی دکانوں سے ہونے والی آمدنی سے ریاست چلارہے ہیں۔ ریاست میں 30 لاکھ لوگ بے گھر ہیں،چندرشیکھرراو نے منشور میں دیئے گئے وعدے پورے نہیں کئے ہیں۔ شرمیلا نے کہا کہ مرکزی حکومت تقسیم کرو اور حکومت کروپالیسی پر عمل کررہی ہے۔

انہوں نے کہا کہ منی پور واقعہ کو دردناک قراردیا اور کہا کہ اب تک 60 ہزار لوگ بے گھر ہو چکے ہیں۔ انہوں نے کہا کہ لااینڈ آرڈر مکمل طور پر مفلوج ہو چکا ہے۔ شرمیلا نے بی جے پی پرمذہب کے نام پر سیاست سے گریز کرنے پر زور دیا۔