نوح تشدد کا ملزم انکاؤنٹر کے بعد گرفتار

گروگرام: انکاؤنٹر کے بعد کرائم برانچ نے ہریانہ کے ضلع نوح میں 31جولائی کے فرقہ وارانہ تشدد میں ملوث ایک ملزم کو گرفتار کرلیا۔ پولیس نے منگل کے دن یہ بات بتائی۔

سراغ ملنے پر صلع کرائم برانچ ٹیم نے نوح کے ایک موضع کے رہنے والے عامر کو اراولی پہاڑی سلسلہ کی گھاٹیوں میں انکاؤنٹر کے بعد گرفتار کیا۔ فائرنگ میں عامر کے پیر میں گولی لگنے کا زخم آیا۔ اسے علاج کے لئے نلہڑ میڈیکل کالج ہاسپٹل میں شریک کرایا گیا۔

ملزم کے قبضہ سے ایک غیرقانونی دیسی ساختہ پستول اور 5 ٹرامپ برآمد ہوئے۔ گروگرام پولیس کے ترجمان کرشن کمار نے یہ بات بتائی۔ نوح تشدد کے سلسلہ میں تاحال 61  ایف آئی آر درج ہوچکی ہیں اور 280  افراد گرفتار کئے جاچکے ہیں۔