خود ساختہ فائنانس ڈپارٹمنٹ کا ایڈیشنل سکریٹری گرفتار

حیدرآباد: خود کو فائنانس ڈپارٹمنٹ کا ایڈیشنل سکریٹری بتانے والے شاطر ملزم کو سائبرکرائم ٹیم حیدرآباد نے گرفتار کرلیا۔

پولیس کے پریس نوٹ کے بموجب ایک رکن اسمبلی کے پرسنل سکریٹری کی شکایت پر ٹی۔بالاجی نائیڈو عرف مالاریڈی عرف داسری انیل کمار کو سائبر کرائم ٹیم نے گرفتار کرلیا۔

ملزم نے خود کو فینانس ڈپارٹمنٹ کا ایڈیشنل سکریٹری بتایا اور کانگریس کی نئی حکومت آنے کے بعد قرض کی اسکیم بتاکر 100 افراد سے فی کس 3600 روپے جملہ 3 لاکھ 60 ہزار روپے وصول کرلئے۔ ملزم کے خلاف تلنگانہ میں دھوکہ دہی کے جملہ 37 کیس درج ہیں۔