بی جے پی ہی تلنگانہ کو بی آر ایس سے نجات دلائے گی : وزیراعظم

حیدرآباد: وزیراعظم نریندر مودی نے پیر کے روز کہاکہ صرف بی جے پی ہی تلنگانہ کو بی آر ایس کے شکنجہ سے باہر نکال سکتی ہے۔ انہوں نے کہاکہ ان کی پارٹی حکمراں جماعت کے کرپٹ قائدین کو جیل روانہ کرے گی۔

محبوب آباد میں بھگوا جماعت کی انتخابی ریالی سے خطاب کرتے ہوئے وزیراعظم نریندر مودی نے کہاکہ تلنگانہ کو بی آر ایس سے نجات دلانے کے لیے بی جے پی اپنی ذمہ داریوں کو اچھی طرح سمجھتی ہے۔

انتخابات میں برسر اقتدار آنے پر بی جے پی‘ کے سی آر نے جہاں جہاں اسکام کئے ہیں‘اس کی تحقیقات کرائے گی۔ انہوں نے یہ وعدہ کیا کہ غریبوں اور نوجواونوں کو دھوکہ دینے والو ں کو بخشا نہیں جائے گا۔

بی آر ایس کے کرپٹ قائدین کو جیل بھیجنا ہمارامقصد رہے گا۔ مودی نے کہاکہ تلنگانہ کے عوام‘اب کے سی آر اور ان کی حکومت کو اقتدار سے بیدخل کرنے کافیصلہ کرچکے ہیں۔

کانگریس اور بی جے پی کو سخت تنقید کانشانہ بناتے ہوئے انہوں نے کہا کہ یہ دونوں جماعتیں تلنگانہ کو تباہ کرنے میں یکساں ذمہ دار ہیں۔ مودی نے کہاکہ مجھے ریاست میں ہر طرف بی جے پی پر عوام کااعتماد دکھائی دے رہاہے۔ ریاست کے عوام ہی بی جے پی امیدوار کو تلنگانہ کا چیف منسٹر بنائیں گے۔