شمالی کیرالہ کے چار اضلاع کے لیے اورنج الرٹ، آج 12 اضلاع میں ییلو الرٹ
آئی ایم ڈی نے متاثرہ اضلاع کے رہائشیوں کو محتاط رہنے کا مشورہ دیا ہے، کیونکہ شدید سے نہایت شدید بارش کے باعث نشیبی علاقوں میں پانی جمع ہونے، مقامی سطح پر سیلاب، حدِ نگاہ میں کمی اور آمد و رفت سمیت معمول کی سرگرمیوں میں خلل پیدا ہونے کا خدشہ ہے۔
ترواننت پورم: محکمہ موسمیات (آئی ایم ڈی) نے 29 جون کو کیرالہ کے کنّور اور کاسرگوڈ اضلاع کے لئے اورنج الرٹ جاری کیا ہے، جس میں شدید بارش کی وارننگ جاری کی گئی ہے۔
30 جون کے لیے اس الرٹ کا دائرہ مزید بڑھاتے ہوئے اس میں کوژیکوڈ، وایناڈ، کنّور اور کاسرگوڈ اضلاع کو بھی شامل کیا گیا ہے، کیونکہ شمالی کیرالہ میں مانسون کی سرگرمیوں میں شدت آنے کا امکان ہے۔
29 جون کو ترواننت پورم، کولم، پتھنم تھٹّا، الاپّوزھا، کوٹّایم، اڈوکی، ایرناکولم، تریشور، پلکّڑ، ملاپورم، کوژیکوڈ اور وایناڈ اضلاع کے لیے ییلو الرٹ جاری کیا گیا ہے، جو شدید بارش کے امکان کی نشاندہی کرتا ہے۔
30 جون کو اڈوکی، ایرناکولم، تریشور، پلکّڈ اور ملاپورم اضلاع میں بھی ییلو الرٹ نافذ رہے گا۔
آئی ایم ڈی نے متاثرہ اضلاع کے رہائشیوں کو محتاط رہنے کا مشورہ دیا ہے، کیونکہ شدید سے نہایت شدید بارش کے باعث نشیبی علاقوں میں پانی جمع ہونے، مقامی سطح پر سیلاب، حدِ نگاہ میں کمی اور آمد و رفت سمیت معمول کی سرگرمیوں میں خلل پیدا ہونے کا خدشہ ہے۔
عوام سے اپیل کی گئی ہے کہ وہ محکمۂ موسمیات کی سرکاری ہدایات پر عمل کریں اور خصوصی طور پر ان علاقوں میں احتیاط برتیں جہاں سیلاب اور لینڈ سلائیڈنگ کا خطرہ رہتا ہے۔
