بدویل میں سرکاری اراضی کے ہراج کو روکنے ہائیکورٹ میں درخواست

حیدرآباد: تلنگانہ ہائی کورٹ بار ایسوسی ایشن نے تلنگانہ ہائی کورٹ سے کہا ہے کہ وہ شہر کے راجندر نگر منڈل کے بدویل میں سرکاری اراضی کے ہراج کو روکنے کے لیے داخل کردہ مفاد عامہ کی درخواست کی فوری سماعت کرے۔

حال ہی میں بار ایسوسی ایشن نے ہائی کورٹ کی تعمیر کے لیے بدویل میں اراضی مختص کرنے کی خواہش کرتے ہوئے درخواست دائر کی تھی۔ سکریٹری تلنگانہ ہائی کورٹ بار ایسوسی ایشن کے پردیپ ریڈی نے ایسوسی ایشن کی جانب سے یہ درخواست دائر کی ہے۔

 درخواست گزار نے ہائی کورٹ سے کہا کہ وہ لنچ موشن کی سماعت کرے کیونکہ بدویل میں اراضی کا ہراج آج ہورہا ہے۔ بدویل میں ہائی کورٹ کی عمارت کی تعمیر کے لیے 100 ایکڑ اراضی الاٹ کرنے کے لیے رجسٹرار جنرل کی طرف سے بھیجی گئی تجاویز کو نظرانداز کیاگیا جس پر اس اراضی کے ہراج کے لئے جاری کردہ اعلامیہ کو چیلنج کیاگیا۔ بنچ نے درخواست گزار کو ہدایت کی کہ وہ صدر اور ایگزیکٹو کمیٹی کے ساتھ بات چیت کریں ۔